ILOILO CITY – Dapat nga magpakig-angot ang mga dumuluong sa isa ka lugar kag tsekyaron kun bala may yara sang ginapatuman nga gun ban sa lugar.
Ini ang suno kay Philippine National Police (PNP) Chief Pol Director General Archie Francis Gamboa.
Sa interview sang Bombo Radyo kay Gamboa, iya ginpahayag nga responsibilidad sang fire arm holder ang paghibalo kun bala may yara sang suspension sang ‘permit to carry firearm outside of residence’ ukon PTCFOR sa lugar nga iya kadtuan.
Nagakadapat man suno sa natungdan nga magpakig-angot anay sa kapulisan antes mag dala sang armas.
Kun ang isa ka fire arm holder ang wala nakahibalo kag sa tion nga siya ang madakpan apisar may yara siya sang PTCFOR, kinahanglan niya sa gihapon nga sabton ang nagakaigo nga kaso.
Gin-athag man sang opisyal nga mahimo nga maka-apply sang exemption, apang kinahanglan man nga i-consider ang intention sang pag-apply, kag ang PNP Chief gid lamang ang may kinamatarong sa pag-cancel ukon pag suspend sang PTCFOR.
Nahibaluan nga sa syudad sang Iloilo, may yara sang pila ka set sang suspension sang PTCFOR kadungan sang pila ka mga kapistahan.
Sa maabot nga Jan 31 tubtob Feb 3, may yara sang gun ban kaangot sa Jaro fiesta; Feb 20 tubtob 24 kaangot sa Paraw Regatta; kag sa Aug 23 tubtob 26 para sa Iloilo Charter
