ILOILO – Naglab-ot sa 994 ang mga Overseas Filipino Workers nga halin sa Western Visayas ang yara sa subong sa China.
Sa interview sang Bombo Radyo kay Iloilo 4th District Board Member Rolando Distura, iya ginpahayag nga 80 lamang sa mga OFW ang makabig nga active ukon ang masami nga nagapakig-angot sa gobyerno.
Suno kay Distura, kalabanan sa mga OFW sa China ang nagatrabaho bilang manunudlo kag tutor.
Ginpahayag ni Distura nga 24/7 nga bukas ang Operation Bulig Ilonggo agud nga magbaton sang reklamo ukon ano man nga sahi sang concern ilabi na sang mga Ilonggo nga yara sa nasambit nga pungsod.
Gin-athag sang natungdan nga indi lamang ang mga Ilonggo ang mahimo nga makadangop sa Operation Bulig Ilonggo kundi bukas ini sa tanan nga taga Western Visayas.
Sa subong, katuyu-an sang Iloilo Provincial Government nga maaktuhan ang mga palamangkutanon sang tanan nga magapangayo sang bulig sa Operation Bulig Ilonggo.
