LAMBUNAO ILOILO– Nagsugod na sa pag-imbestigar ang scene of the crime operations may kaangtanan sa bangkay nga nasapwan sa Brgy. Tranghawan, Lambunao, Iloilo.
Sa interview sang Bombo Radyo kay Police Major Jojen Suegay, Officer-in-Charge sang Lambunao Municipal Police Station, iya ginpahayag nga yara na sa advance state of decomposition ukon nagakaagnas na sang nasapwan ang bangkay.
Suno kay Suegay, bangud sini, nabudlayan sila nga hibaluon kun bala babayi ukon lalaki ang biktima.
Ginpahayag ni Suegay nga tubtub subong, wala pa sang may nagpakig-angot sa ila nga pamilya nga nadulaan sang himata.
Para sa mga nadulaan sang himata, mahimo man suno sa natungdan nga magpakig-angot ukon magpadulong sa Lambunao Municipal Police Station para sa impormasyon.
