ILOILO CITY – Naga-ugtas ang mga barangay officials sang Rizal Pala-Pala 1, Iloilo City Proper bangud sa liwat naman nga pagbalik sang mga nagasablag sa dalanon.
Sa interview sang Bombo Radyo kay Brgy. Kagawad Nelson Bulquerin, iya ginpahayag nga madamo sang mga pasaway sa ila barangay apisar sang padayon nila nga pagpaandam nga indi magbalik sa pagsablag sa dalan.
Suno kay Bulquerin, nagatunga sila sang duty nga mga barangay officials agud magbantay sa mga salawayon nila nga mga residente.
Ginpasalig man sang opisyal nga sundon nila ang mandu sang Department of Interior and Local Government (DILG) kaangot sa road clearing operations.
Naintindihan man sang natungdan nga sila ang mabalikan sa tion nga padayon ang pagsablag sa dalanon sang ila mga residente.
