ILOILO CITY– Nagpa-athag ang external auditor sang Iloilo Festivals Foundation Incorporated kun ano nga sahi sang tax ang ginbuhin sa cash prize nga nabatun sang mga tribu nga nagpasakop sa Iloilo Dinagyang 2020 Ati tribes contest.
Sa interview sang Bombo Radyo kay Atty. Pauline Alfuente, external auditor sang Iloilo Festivals Foundation Inc., iya ginpahayag nga withholding tax ang ginbuhin sang city accountant sang syudad sang Iloilo.
Suno kay Alfuente, mismo ang city accountant ang nag withhold bangud ang pondo para sa mga premyo sang nakaligad nga Dinagyang, ang nagikan mismo sa syudad sang Iloilo.
Pahayag pa ni Alfuente, ang buwis sa mga ginahatag pa premyo ang yara mismo sa idalom sang Tax Reform for Acceleration and Inclusion Law.
Dugang pa sang natungdan, wala sang tax exemption sa mga pa premyo, magluwas lang kun mismo ang naghatag sang premyo ang mabayad sang withholding tax.
