TUBUNGAN ILOILO– Hugot ang ginapatuman nga border restrictions sa banwa sang Tubungan agud indi masudlan sang coronavirus disease 2019 ang ila banwa.
Sa intervew sang Bombo Radyo kay Tubungan Mayor Roquito Tacsagon, iya ginpahayag nga wala nila ginapahanugutan nga magsulod sa ila banwa ang mga tawo nga wala sang importante nga katuyuan ukon transaksyon.
Suno kay Tacsagon,kun nagatrabaho, kinahanglan nga magkuha sang certification halin sa gina-obrahan bilang pamatuod sa tion nga makalab-ot na sa checkpoint.
Pahayag ni Tacsagon, tanan nga entry points sa ila banwa ang may yara sang checkpoints agud masigurado nga ang tanan nga nagasulod kag nagagwa sa banwa sang tubungan ang naga-agi sa husto nga proseso.
Dugang pa sang natungdan, ginapangabay ang mga pumuluyo nga magpabilin sa ila tagsa ka panimalay kun wala sang importante nga transaksyon.
