ILOILO CITY – Madamo sang simple apang manamit nga mga pagkaon ang mahimo ihanda ilabi na subong nga Mother’s Day.
Sa Good Morning Philippines program, ginpahayag ni Chef Mary Pauline Banusing, nga pila lamang sa iya paborito nga putahe nga mahapos luton amo ang Pasta with Garlic Tuyo kag Pork Binagoongan with Mangoes.
Suno kay Banusing, ang nasambit nga recipe ang tuman ka hapos kag tuman ka dali nga lutuon kun kumpleto lang ang ingridients.
Sa Pasta with Garlic Tuyo, kinahanglan ang ginpabukalan nga pasta, ahos, bombay, olive oil, parmesan cheeze, garlic tuyo ukon uga.
Sa pagluto, gisahon sa olive oil ang ahos kag bombay, pasta kag ang garlic tuyo ukon uga, i-mix tubtub nga maluto.
(PORK)
Para naman sa Pork Binagoongan with Mangoes, dapat nga ipreparar ang sliced pork belly nga ginpabukalan, olive oil, ahos, bombay, ginamos kag luto nga paho.
Unahon suno kay Banusing amo ang paggisa sang ahos kag bombay sa olive oil, ibutang ang sliced pork belly, gata, ginamos kag paho.
I-mix ang tanan nga ingridients tubtub nga ini ang maluto.
