Nadesisyunan sang Miss Universe Philippines Organization nga halinon ang pagpatigayon sang ika-labing una nga coronation night sang Miss Universe Philippines sa Oktubre 25, 2020 sa baylo nga sa Hunyo 14 bangud sa Coronavirus Disease 2019 (COVID-19).
Nagpasalig si Jonas Gaffud, Creative Director sang Miss Universe Philippines Organization nga nagasunod sila sa probisyon sang Modified Enhanced Community Quarantine sa pagpanghanda nga ila ginpatigayon.
Dugang sang natungdan, nakig-angot na sila sa St. Luke’s Medical Center para sa physical kag mental support sang mga kandidata bangud kalabanan sa ila ang apektado man sang COVID-19.
Ginpahayag ni Gaffud nga sa subong wala pa sang kandidata nga nag back out sa competition apang nakahanda sila sa anuman nga pagbag-o kag desisyon sang mga contenders.
