ILOILO CITY- Nakapauli na sa Iloilo ang 8 ka Overseas Filipino Workers nga na stranded sa Cebu sang halos 72 ka adlaw.
Sa interview sang Bombo Radyo kay Rex Villanueva, isa sa repatriates, iya ginpahayag nga madamo sila nga na stranded sa Cebu.
Suno kay Villanueva, nadugayan sila sa pagpauli bangud magluwas sa lockdown, halos wala sila ginasapak kag ginhatagan sang atensyon sang Overseas
Workers Welfare Administration humalin sang Marso 18 sang sila ang nag-abot.
Ginahayag ni Villanueva nga sila mismo nga walo ang nagbayad sang chartered flight nga nagabalor sang P75,000 agud makapauli sa Iloilo.
Nagbayad man siya suno kay Villanueva sang halos 8,600 para sa COVID-19 test sa isa ka private hospital agud makumpleto ang requirements.
Nagapanawagan si Villanueva sa mga concerned agencies nga kun tani, indi ma masulit ang natabo sa ila.
Naka quarantine ang natungdan sa quarantine facility sang Pavia.
