EUROPE– Gina-engganyo sang European Union si US President Donald Trump nga panumdumon sa liwat ang plano nga pagkakas sang pondo sang Amerika para sa
World Health Organization.
Suno kay European Commission President Ursula von der Leyen, indi dapat magpatigayun sang ano man nga lihok ang gobyerno nga posible maghatag sang
kadulaan sang gana sang tanan lakip na ang pagpakigbato sa pandemya.
Ginpahayag ni von der Leyen nga subong ang tion agud magbinuligay ang tanan sa paghimo sang nagakaigo nga solusyon.
Dugang pa sang natungdan, kinahanglanon ang suporta para sa World Health Organization agud mahimo ang ila trabaho.
Nahibaluan nga ang pahayag ni Trump tuhoy sa pagbawi sang pondo para sa World Health Organization ang nakaangkon sang nanari-sari nga reaksyon
