EO sa pagpanubo sang presyo sang pila ka mga bulong sa Pilipinas, epektibo na

Epektibo na ang Executive Order No. 104 nga nagapanubo sa presyo sang pila ka mga bulong sa pungsod.

Suno kay Department of Health Secretary Francisco Duque III, sakop sang nasambit nga EO ang 87 ka bulong para sa mga balatian nga hypertension, diabetes, breast, colorectal kag lung cancers.

Lakip man diri ang mga bulong para sa chronic kidney disease kag asthma ukon chronic obstructive pulmonary disease ukon COPD.

Nahibaluan nga sa ginpirmahan nga EO ni Presidente Rodrigo Duterte sang nakaligad nga Pebrero 17, nakasaad ang maximum retail price kag maximum wholesale price sang mga publong ang mas manubo sang tubtob 50% sa una sini nga presyo.

Apisar nga nagnubo ang presyo sang pila ka mga bulong magapabilin sa gihapon ang 20% nga diskwento sa presyo para sa mga senior citizen kag persons with disability.