ILOILO CITY – Lunsay nagatinir sa quarantine facility ang duha ka coronavirus disease 2019 (COVID-19) positive nga mga residente sang Barangay Javellana, Jaro, Iloilo City.
Ang mga nagpositibo amo ang 13 anyos nga locally stranded individual (LSI) nagikan sa Metro Manila kag ang isa pa amo ang isa ka doktor sa St. Paul’s Hospital of Iloilo.
Sa interview sang Bombo Radyo kay Punong Barangay Emmanuel Ogacion, iya ginpahayag nga nagdoble-halong ang ila barangay kag ginsunod gid ang tanan nga safety measures agud malikawan ang posible nga transmission.
Suno sa punong barangay, Hunyo 23 nag-abot ang LSI kaupod ang iya iloy apang bangud naghalin man ang mga ini sa pamilya nga may maayo nga background sa patag sang medical, nahangpan nila ang ila himuon rason nga wala na sang may naggwa.
Ang pamilya sang 13 anyos nga bata ang ginkuhaan naman sang swab sample.
Ginpahayag man ni Ogacion nga wala man sang madamo nga naka-close contact ang doktor nga yara anay nagatinir sa iya condominium unit.
