ILOILO – Ginhimo na lang nga boluntaryo ang pagpadala sang Doctor to the Barrios (DTTBs) sang Western Visayas sa Cebu.
Suno kay Dr. Renilyn Reyes, COVID-19 spokesperson sang Department of Health Region VI, mismo si Department of Health Secretary Francisco Duque III ang nagmandu nga isuspinde anay ang deployment sang mga medical staff.
Ini ang kasunod sang pag-apelar sang mga local government units, Sangguniang Panlalawigan kag madamo nga medical team bangud nagakinahanglan man sang pag-atipan ang Western Visayas.
Suno kay Reyes, bukas sa gihapon ang ahensya para sa mga doktor nga magdesisyon nga magpadulong sa Cebu kag mag-augment sa pagtapna sang pagsaka sang COVID-19 infections.
Sa subong, wala pa sang may nagboluntaryo nga doktor.
