ILOILO CITY – Ginpaidalom na sa reverse transcription polymerase chain reaction (RT-PCR) test ang duha ka empleyado sang isa ka mall sa dalan Delgado, Iloilo City nga nangin reactive sa rapid test para sa coronavirus disease 2019 (COVID-19).
Sa interview sang Bombo Radyo kay Dr. Roland Jay Fortuna, focal person for COVID-19 sa syudad sang Iloilo, iya ginpahayag nga nagatinir na ang duha sa quarantine facility sang syudad.
Photo is screenshot from: Iloilo City Government’s FB Page
Ginpahibalo naman sang City Health Office ang district medical officers may kaangtanan sa personal nga mga impormasyon sang duha ka empleyado agud mapatigayon na ang contact tracing apisar wala pa ang resulta sang confirmatory test.
Sa subong, ginahulat sang City Health Office ang koordinasyon nagikan sa kompaniya sang duha.
Ini bangud una naman nga naabisuhan ang tanan nga pribado nga kompaniya sa Iloilo nga antes sila magpatigayon sang COVID-19 test sa ila nasakpan nga mga personnel, dapat nga may yara na sang identified quarantine facility nga patiniran sa mga indibidbwal nga mag-reactive sa rapid test.
