ILOILO – Nagareklamo ang mga market vendors sa Iloilo Terminal Markert bangud sang pagpahamtang sang mga talipapa sa Brgy. Jalandoni Wilson, Iloilo City Proper kun sa diin nagamato-mato sa pagbaligya ang mga tawo.
Sa interview sang Bombo Radyo kay Simplicio Subaldo, isa sa mga assistants sa Local Economic and Enterprise Office (LEEO), iya ginpahayag nga madugay naman nga ginasaway sang mga punong barangay ang amo nga mga tawo apang nagabalik gihapon sa pagbaligya.
Nahangpan man kuntani sang mga opisyal suno kay Subaldo bangud natural lang nga magpaninguha ang tanan nga tawo bangud sang COVID-19 pandemic apang apektado man subong ang income sang mga market vendors sa Iloilo Terminal Market.
May kaangtanan diri, ipalab-ot sang Local Economic and Enterprise Office ang amo nga reklamo sa Public Safety and Transportation Office agud gilayon nga mahatagan sang nagakaigu nga lihok.
