ILOILO – Nag-isyu sang advisory ang Department of Health agud mapadasig ang reverse transcription polymerase chain reaction (RT PCR) testing sa Western Visayas.
Yari ang nakasugtan sang apat ka COVID-19 subnational laboratories sa rehiyon:
– Ang Western Visayas Medical Center ang maga-focus sa backlogs;
– Ang tanan nga specimen nga nabaton kag mabaton sang Regional Epidemiology and Surveillance Unit (RESU) sang Hulyo 14-Hulyo 17 ang igapasa sa Corazon Locsin Montelibano Memorial Regional Hospital Molecular Laboratory;
– Ang Teresita L. Jalandoni Provincial Hospital – Molecular Laboratory ang maga-focus sa specimens nagikan sa Negros Occidental kag Bacolod City;
– Ang tanan nga confirmatory test sang returning overseas Filipinos (ROFs) ang maga-agi sa Qualimed Molecular Laboratory;
– May ginalauman nga automated RNA extraction machine nga magaabot sa Western Visayas Medical Center Subnational Laboratory; kag
-Ang Department of Health ang masami nga magapakig-angot sa mga sub-national laboratories agud mapat-od ang kadasigon sang COVID-19 testing.
