ILOILO CITY – Indi nagakadapat nga sudlon sang kapulisan ang balay sang isa ka tawo kun wala sila sang dala nga warrant of arrest ukon court order.
Ini ang reaksyon ni Iloilo City Councilor Jojo Javellana, pinuno sang Committee on Police Matters sa Sangguniang Panlungsod, may kaangtanan sa Oplan Kalinga Program sang Department of the Interior and Local Government (DILG).
Sa interview sang Bombo Radyo kay Javellana, iya ginpahayag nga mahimo may yara sang malapas nga kinamatarong sa pagpatigayon sang house-to-house search sa mga asymptomatic nga COVID-19 patients agud dal-on sa government-designated isolation facilities.
Ini bangud pribado nga propiedad ang balay sang tawo kag ginadumilian ang mga otoridad nga magsulod kun wala sang nagakaigu nga arrest warrant kag court order.
Ginpahayag ni Javellana nga i-review pa niya ang nasambit nga plano sang DILG kag plano niya nga i-presentar ini sa session sang Iloilo City Council.
