ILOILO – 11 ka mga pasyente nga infected sang dengue hemorrhagic fever ang nagapabilin sa nanuhay-tuhay nga district hospitals sa probinsya sang Iloilo.
Sa sini nga numero, 1 ang sa Guimbal; 2 sa Sara; 1 sa Calinog; 2 sa Balasan; 3 sa Passi City; kag 1 sa Barotac Viejo.
Sa interview sang Bombo Radyo kay Iloilo Governor Arthur Defensor Jr., iya ginpahayag nga apisar indi pa makaalarma ini nga mga kaso sang dengue, kinahanglan sa gihapon nga mag-andam ang publiko kag magdoble sa paghalong.
Isa sa dapat suportahan nga programa suno sa gobenador amo ang regular clean-up drive sa kabanwahanan.
Hugot man nga ginamonitor sang Iloilo Provincial Government ang suplay sang bulong para sa nasambit nga balatian sa mga ospital.
