METRO MANILA – Nagnubo sang halos katunga ang total number sang cigarette tax stamps nga ginpaguwa sang Bureau of Internal Revenue kadungan sang ginpatuman ang lockdown sa Metro Manila kag iban pa nga bahin sang Luzon.
Suno sa Department of Finance, naglab-ot lamang sa 537.13 million ang cigarette tax stamps sang Marso tubtub Hunyo nga 59 percent nga mas manubo sa 1.32 billion tax stamps sang nagligad nga tuig sa kasubong nga period.
Ang kantidad sang nasambit nga cigarette tax stamps ang nagnubo sa P18.88 billion gikan sa P59.46 billion.
Sang Mayo, naglab-ot lamang sa P299.89 million nga balor sang cigarette stamp taxes ang nahatag kun ipaanggid sa P17.33 billion sang 2019.
Sang Hunyo, naglab-ot sa P9.26 billion nga balor sang cigarette stamp ang nahatag kag mas manubo ini sa P13.03 billion nga na record sang nakaligad nga tuig.
