ILOILO CITY – Ginakasubo apang ginarespeto sang talatapan sang QualiMed Hospital – Iloilo Molecular Laboratory ang desisyon sang Overseas Workers Welfare Administration (OWWA) Region VI nga i-terminate ang memorandum of agreement (MOA) nga amo ang nagapahanugot sa nasambit nga laboratory nga mag-test sang mga specimen sang mga returning overseas Filipinos (ROFs).
Kadungan sini, gin-ako man sang nasambit nga laboratory nga may kakulangan sila kag ini ang ginalakipan sang logistics, manpower, kag wala ginalauman nga volume sang naga-abot nga specimen kada adlaw.
Sa interview sang Bombo Radyo kay Dara Coloso, Physicians and Customer Relations associate manager sa nasambit nga ospital, iya ginpahayag nga 375 ang average kag 400 ang maximum capacity nga ma-test sang laboratory apang nagalapaw na diri ang ila mabaton nga specimen kada adlaw.
Ini ang nagikan sa syudad kag probinsya sang Iloilo kag sa iban pa nga walk-ins.
Bangud sini, may yara sang bes suno sa natungdan nga isa ka semana kag mapagwa ang resulta rason nga nagareklamo ang mga ROFs bangud nagakadugayan man sila sa pagtinir sa quarantine facility.
Nagpangayo man sang pasaylo ang natungdan sa huol nga natuga sang delay.
