ILOILO CITY – Wala sang moratorium ukon pagdumili sang mga Overseas Filipino Workers (OFW’s) sa Probinsya sang Iloilo.
Sa exclusive interview sang Bombo Radyo kay Provincial Administrator Atty. Suzette Mamon, iya ginpahayag nga ang syudad lang sang Iloilo ang may moratorium.
Suno kay Mamon, padayon ang pagbaton sang mga OFW nga magapauli sa tagsa ka mga banwa sa diin magaagi ang mga ini sa Overseas Workers Welfare Administration.
Ginpahayag sang natungdan nga sa tion nga matapos naman ang pag-quarantine sang mga OFW’s kag mag negatibo ang mga ini sa reverse transcription polymerase chain reaction (RT-PCR) test gilayon man ang mga ini nga ginapahanugutan nga magpauli sa ila balay.
