MANILA – Naglab-ot sa 3.3 million ang numero sang mga Pilipino nga nadulaan sang trabaho bangud sa COVID-19 pandemic.
Ang nasambit nga numero nga gina-uyatan sang Department of Labor and Employment ang tuman ka gamay kun ipaanggid sa record sang Social Weather Stations nga 45.5 percent ukon 27.3 million individuals nga nadulaan sang trabaho.
Suno kay Department of Labor and Employment Secretary Silvestre Bello III, wala ginabali sang ahensya ang resulta sang survey apang ang ginabasehan nila amo ang ginapasa sang mga employer.
Ginpahayag ni Bello nga mas accurate ang data nga ginahatag sang employer bangud nga kumpleto ang detalye.
Sa pagpaathag ni Bello, may yara sang permanente nga nadulaan sang trabaho samtang may yara naman nga temporaryo lamang.
May kaangtanan diri, ginpasalig sang tiglikom nga paagi sa Bayanihan Act II, mahatagan sang ayuda ang mga Pilipino nga nadulaan sang trabaho.
