MANILA – Isa ang Pilipinas sa masobra sa 100 ka mga pungsod nga may pinakabarato nga sweldo.
Santo international e-commerce website nga picodi.com, yara sa ika-95 nga pwesto ang Pilipinas gikan sa 110 ka mga pungsod kun sweldo ang pagahambalan.
Yara sa P15,200 ang average salary sa Pilipinas nga tuman ka layo sa number 1 nga Switzerland nga may P296,000 nga average salary.
Mas manubo man ang sweldo sa Pilipinas kun ipaanggid sa iban nga pungsod sa Southeast Asia kasubong sang Malaysia, Thailand kag Vietnam.
Ang nasambit nga survey ang ginpatigayon sang Agosto 2020 paagi sa pagkolekta sang data gikan sa website nga Numbeo, isa ka crowd-sourced database.
May kaangtanan diri, ginkasubo sang labor group nga Associated Labor Unions (ALU) – Trade Union Congress of the Philippines ang nasambit nga resulta.
