MANILA – Halos katunga sang adult Filipinos ang nagagamit sang internet suno sa Social Weather Stations.
Santo sa fourth quarter survey sang SWS sang nakaligad nga tuig, 45 percent sang adult Filipinos ang nagagamit sang internet kun sa diin ang Metro Manila ang may pinakamatas nga internet use nga nagalab-ot sa 65 percent, ginsundan sang Luzon nga may 50 percent, Visayas nga may 39 percent kag Mindanao nga may 32 percent.
Suno sa SWS, ang internet use ang padayon nga nagataas humalin sang 2006 kun sa diin sadto, 8 percent lang sang Filipino adults ang nagagamit sang internet.
Natukiban man nga sa subong, 98 percent sang Filipino internet users ukon kapin sa 29.4 million individuals ang may yara sang Facebook account.
Nagapangaduha ang YouTube bilang most popular social media platform nga may 18 percent, ginasundan sang Instagram nga may 6 percent, Snapchat nga may 4 percent, Twitter nga may 3 percent kag Viber nga may 2 percent.
May kaangtanan sa device ownership, nagapanguna ang cellphone kun sa diin 83 percent sang Filipino households ang nagapanag-iya sang cellular phone.
