MANILA – Nagalab-ot sa 50 billion yen ukon P22.9 billion ang utangon sang Pilipinas sa Japan para sa disaster management kag quick response sa COVID-19 crisis.
Suno sa statement sang Department of Foreign Affairs, mismo sanday DFA Secretary Teodoro Locsin Jr. kag Japanese Ambassador Haneda Koji ang nagbayluhanay sang diplomatic notes sa 50-billion yen Post Disaster Standby Loan Phase II paagi sa isa ka simple rites sa DFA office.
Ang nasambit nga loan facility ang ginalauman nga makabulig sang daku agud nga makabawi ang ekonomiya sang Pilipinas.
Sang nagligad nga Hulyo sang natigayon ang exchanged notes sa tunga sang Pilipinas kag Japan may kaangtanan sa COVID-19 Crisis Response Emergency Support Loan.
