MANILA – Gin-athag sang Food and Drug Administration nga wala sang product registration certificate ang RENO Foods Incorporated agud nga magbaligya sang liver spread.
Ini ang kasunod sang paandam sang nasambit nga health regulatory agency may kaangtanan sa pagbakal sang liver spread sang nasambit nga brand.
Sa statement sang Food and Drug Administration, ang tanan nga food processing companies ang kinahanglan nga may yara sang License to Operate kag Certificate of Product Registration antes makapaguwa sang produkto sa Philippine market.
Santo sa record sang ahensya, ang RENO Foods Incorporated, ang naka-angkon sang License to Operate bilang “food repacker” sang 2017 pagkatapos sang ginpatigayon nga inspection sang regulatory body kag failure naman kun Certificate of Product Registration ang pagahambalan.
Santo sa regulatory laws, ang processed food operators ang kinahanglan nga mag-secure sang kumpleto nga dokumento kag kinahanglan nga makapasar sa standard sang regulatory body antes makabaligya sang produkto.
Sa advisory nga napetsahan sang Agosto 26, gin-anunsyo sang Food and Drug Administration nga ang Reno kag apat pa ka food and supplement products ang indi rehistrado.
