ILOILO CITY- Ginlaragway sang anay manunudlo sa elementarya ni Miss Universe Philippines 2020 Rabiya Mateo kun ano ini nga sahi sang estudyante sadto.
Sa interview sang Bombo Radyo kay Liezl Parreño, Grade 4 teacher sa Balasan Central Elementary School kag English teacher ni Mateo, iya ginpahayag nga mahuyaon apang maalam nga bata si Rabiya.
Suno sa iya, indi man ini masami nga nagabayaw agud mag-recite sa klase apang kun tuksuon, may ara gid ini sang nakahanda nga sabat.
Pahayag pa niya, humalin sadto, apisar mahuyaon apang may abilidad na sa paghambal ilabi na sa lenggwahe nga English si Rabiya.
