ILOILO CITY – Nagpanawagan si Ms. Earth 2015 Angelia Ong nga untatan na ang pag-bash kay newly crowned Miss Universe Philippines 2020 Rabiya Mateo.
Sa exclusive interview sang Bombo Radyo kay Ong, iya ginpahayag nga deserving si Rabiya nga makuha ang korona kag makit-an man ini sa iya performance humalin sa umpisa tubtub sa katapusan sang pageant.
Matapos ang coronation, gin-ako ni Rabiya kay Angelia nga nasubuan siya bangud sa una pa lang nga adlaw sang iya reign, napun-an na ini sang kontrobersiya.
Suno kay Ong, indi malikawan ang bashing sa mga pageant sa diin mangin siya ang nabiktima man sadto sang indi maayo nga mga tinaga ilabi na sang naghimo siya sang kasaysayan sa back to back win nila ni Ms. Earth 2014 Jamie Herrell.
