ILOILO CITY – Posible nga ipaidalom sa gihapon sa General Community Quarantine (GCQ) ang Iloilo City umpisa Disyembre 1 tubtub 31.
Sa exclusive interview sang Bombo Radyo kay Iloilo City Mayor Jerry Treñas, iya ginpahayag nga mismo si Department of Interior and Local Government (DILG) Iloilo City director Roy Defino ang nagpabalo sa iya nga ginrekomendar sang COVID-19 Inter-Agency Task Force for the Management of Emerging Infectious Diseases nga ipaidalom sa GCQ ang Syudad sang Iloilo.
Suno kay Treñas, ginhatagan lang sila sang tubtub las 5:00 subong nga hapon agud mag-apelar sang quarantine status.
Sa subong suno sa alkalde, magasapol siya kaupod ang COVID-19 Team sang Iloilo City Government agud makahimo sang maayo nga rekomendasyon.
