Gin-insister naman ni Retired Supreme Court Associate Justice Adolfo Azcuna nga dapat magpabilin nga 24 ka senador ang basehan sa pag-isip sang two-thirds vote para sa impeachment trial ni Vice President Sara Duterte.
Suno kay Azcuna, ang phrase nga “all the Members of the Senate” ang nagatumod sa tanan nga miyembro sang Senado kag indi sa numero sang mga senador nga present ukon mahimo mag-intra sa paghimo sang desisyon.
Pahayag niya, bangud 24 ang miyembro sang Senado, 16 nga boto ang kinahanglan para malab-ot ang two-thirds threshold.
Ginpunto man ni Azcuna nga dapat fixed kag wala nagabag-o ang threshold, bangud kun buhinan ang numero sang basehan depende sa attendance, detention, suspension ukon iban pa nga sitwasyon, mahimo man nga magbag-o ang numero sang boto nga kinahanglan para sa conviction.
Suno sa iya, ang two-thirds requirement ang nagaserbe nga proteksiyon agud masiguro nga ang impeachment conviction ang suportado sang labaw pa sa temporaryo nga political majority, ilabi na nga ang impeachment makapakakas sa isa ka elected official antes ang pagtakop sang iya termino.
