Atensyon sa mga masami nagaisahanon — by choice ukon no choice. Masarangan mo ayhan magpasakop sa sini nga eksperimento?
Sa isa ka extreme experiment didto sa Ariège sa nabagatnan sang France, 15 ka mga volunteers ang magatinir sa isa ka kweba sa sulod sang 40 ka adlaw.
Tuyo sang experiment nga makatipon sang data sa epekto sang long-term isolation nga wala sang notion of time sa utok sang tawo.
Ang team ang ginabug-usan sang walo ka mga lalaki kag pito ka mga babaye.
Sila ang ginsulod sa isa ka daku nga kweba samtang wala sila sang cellphone ukon anuman nga device nga makasugid sa ila kun ano na ang oras.
Ini nga proyekto ang ginatawag Deep Time kag ginalaragway bilang ‘world first’ ukon pinakauna sa bilog nga kalibutan.
May mga scientists naman nga nagamonitor sa 15 ka mga volunteers pero nagatinir lang sila sa gwa samtang ginakolekta ang data nga natransmit paagi sa sensors.
Ginapahayag man nga ini nga eksperimento ang inspired sa natabo sa mga tawo bangud sang COVID-19 pandemic kun sa diin gin-uyangan sang mga tawo ang malawig nga mga tion paagi sa pag-isolate sa kaugalingon.
Ang amo nga mission ukon experimento ang nag-umpisa na sang Marso 14 kag ginalauman nga matapos sa Abril 22, apang ina ang nakadepende pa kun mangin matalunsay ang dalagan sang eksperimento ukon magsanto man sa kun ano ang naplanuhan.
