Nag-umpisa na ang Pilipinas sa pag-export sang okra (lady finger) sa South Korea.
Sa statement sang Philippine Airlines, ginapahayag nga gin-tap ang amo nga airline company agud i-ship ang 1,800 kilograms sang okra halin sa Manila air hub padulong sa Incheon sa South Korea.
Siyam ka bulan antes sini, may shipment man ang Pilipinas sang okra apang sa Japan ini gin-export.
Una na nga ginpahayag ni Agriculture Secretary William Dar nga matapos ang resumption sang okra exports sa Japan sang nagligad nga tuig, ginbuksan naman ang market access sa okra sa isa ka daku nga Korean food market.
2014 pa sang nag-umpisa hingyo ang Pilipinas nga mag-export sang okra sa South Korea kag subong lang nahatagan sang access. Ginakabig ini nga milestone para sa sektor sang agrikultura ilabi na sa tunga sang COVID-19 pandemic
