Nagtaas ang numero sang kaso sang pagpangawat sa probinsya sang Iloilo subong nga tuig.
Sandig sa rekord sang Iloilo Police Provincial Office (IPPO), may 152 ka kaso sang robbery kag theft halin sang Enero tubtub Nobyembre 2021 — mas mataas sangsa 111 ka kaso nga narekord sa amo man nga period sang nagligad nga 2020.
Sa interview sang Bombo Radyo kay Police Senior Master Sergeant Francisco Lindero, Jr., spokesperson sang IPPO, iya ginpahayag nga mahimo ini maangot sa paghalog sang restrictions — pagbalik sang byahe kag negosyo — kun sa diin nakakita sang timing ang mga kawatan agud makahimo sang krimen.
Sa tanan nga mga modus nga gingamit sang mga kawatan, talalupangdon suno kay Lindero ang pinaka-common nga paagi nga amo ang pagpangguba sang kandado indi lang sa mga balay kundi pati sa mga roll-up roll down doors.
Sa sini nga mga kaso suno sa IPPO spokesperson, 70.39% ang makabig nga solved na.
83.55% naman ang cleared na ukon identified na ang mga suspek kag na-file na ang mga kaso apang wala pa naaresto.
Kun basehan ang paagi sang pagpangawat suno sa IPPO, indi malayo nga may mga organized group indi nga mga kawatan — nga posible ini man taga-probinsya sang Iloilo — apang diri naga-operate.
