Ginsabat sang aktres nga si Janella Salvador ang mga komento nga ‘sayang’ ini bangud nadula ang manami nga career sang ini ang nagbusong.
Suno kay Janella, wala nadula ang iya mga talento apisar nga ginbata ang iya anak nga si Jude.
Ginpanindugan sang aktres nga sa gihapon sarang sini nga ipakita ang iya mga talento kaangay sang pagkanta, pag-arte kag pagperform.
Dugang man nga ginpahayag sini nga bangud nangin Iloy ini indi buot silingon nga natapos na ang iya nga kabuhi.
Nahibalu-an nga nagbata ang aktres sang iya una nga anak sa partner kag co-star nga si Markus Paterson sang Oktubre 2020.
Nagbalik naman ini sa showbusiness sang Hunyo matapos ang 15-month hiatus.
Si Janella Salvador man ang bag-o nga nakakuha sang role nga Valentina sa sikat nga Pinoy series nga Darna.
Ulihi nga nagtrabaho sa isa ka series si Janella sang 2020.
