Kapin isa ka bulan halin sang ginpatuman ang nationwide election gun ban, yara na sa 53 ka violators ang nagkaladakpan sang mga pulis sa Western Visayas.
Yari ang data sang Police Regional Office (PRO) VI umpisa Enero 9 tubtub sa Pebrero 6, 2022:
Aklan – 6
Antique – 2
Capiz – 2
Guimaras – 1
Iloilo Province – 12
Negros Occidental – 21
Iloilo City – 3
Bacolod City – 6
Sa rekord, 40 ang firearms ang nakumpiskar sang mga pulis kag 16 naman ang na-recover nga bladed weapons.
Suno kay PRO VI Spokesperson Pol. Lt. Col. Arnel Solis, lunsay sibilyan ang nagkaladakpan kag wala man sang rekord nga may kaangtanan sa political groups.
Sandig pa sa rekord sang talatapan, kalabanan diri ang naka-inum sang makahulubog nga ilimnon.
Tubtub sa Hunyo 8 ang pagpatuman sang election gun ban sa bug-os nga pungsod.
Ang mga madakpan ang magapangatubang penalidad nga pagka-preso sa sulod sang 1 tubtub 6 ka tuig kag permanente nga disqualification sa public office kag pagkadula sang kinamatarong nga makaboto.
