I-suspende ang pagsuksok sang uniporme sang tanan nga empeleyado sang Iloilo Provincial Capitol sa adlaw sang Valentine’s day sa Pebrero 14.
Ini ang sandig sa Memorandum Order No. 25 nga naga-engganyo sa tanan nga empleyado sang kapitolyo nga magsuksok sang panapton nga naga-match sa duag sang ila nga relationship status sa adlaw sang tagipusuon.
Sa interview sang Bombo Radyo kay Iloilo Provincial Administrator Atty. Dennis Ventilacion, iya ginpahayag nga kalakip sa dress code ukon duag sang bayo kag ang kahulugan sini nga relationship status nga ila gin-set para sa adlaw sang tagipusuon amo ang mga masunod:
Pula nga nagakahulugan nga ”in a relationship/in love/happily married”
Pink nga nagakahulugan nga “single and ready to mingle”
Green nga nagakahulugan nga “it’s complicated”
Gray nga nagakahulugan nga “flirting”
Blue nga nagakahulugan nga “sinaktan, iniwan, pinaasa”
Orange nga nagakahulugan nga “patuloy na umaasa”
Violet nga nagakahulugan nga “love wins in LGBT”
Yellow nga nagakahulugan nga “moving on”
Brown nga nagakahulugan nga “friends lang”
Black nga nagakahulugan nga “bitter” kag
White nga nagakahulugan nga “importante buhi!”
Suno kay Ventilacion, ini ang napinsaran nila nga ‘pakulo’ agud nga mapasadya man ang adlaw sang tagipusuon sa Iloilo Provincial Capitol.
Kasubong suno sa natungdan nga ginpana ni kupido ang political colors agud ipaiway anay ang istorya kag lamod pamulitika sa Valentine’s day.
