Spotted sa isa ka beach ang aktor nga si John Lloyd Cruz kag ang anak sini nga si Elias kaupod ang rumored girlfriend sang aktor.
Apisar tubtub subong wala sang pahayag halin kay John Lloyd tuhoy sa iya nga lovelife, matunog ang espekulasyon sang mga fans nga may something special nga nagapatunga sa iya kag sa artist nga si Isabel Santos, anak sang respetado nga mga contemporary Filipino artists.Si Isabel amo ang apo ni the late Mauro “Malang” Santos, isa ka award-winning cartoonist, illustrator, kag painter.Si Isabel mismo ang nag-share sang bonding moments sang actor kag sang iya anak nga si Elias sa iya nga Instagram Story.
Nakit-an nga duha ang kaupod ni John Lloyd kag may duha man ka bata sa isa ka pond. May beach moments man nga gin-share si Isabel kun sa diin may lalaki kag bata nga ginapatihan si John Lloyd kag si Elias.
Nag-umpisa ang rumor nga magkarelasyon sanday Isabel kag John Lloyd sang nakit-an man ang mga ini nga magkaupod sang 2021. Lakip diri ang pictures sang balay ni John Lloyd sa Antipolo nga yara man sa Instagram ni Isabel. Pareho nga wala ginakumpirma sang duha kun ano ang ila nga relationship status. ##
