Patay ang mag-abyan nga lalaki matapos ginapahayag nakabunggo ang ginasakyan nga motorsiklo sa pader sa Barangay Dulonan, Arevalo, Iloilo City.
Ang mga biktima amo sanday Ryan Tolentino, 22, kag si Raymart Donduyano, 25, lunsay residente sang nasambit nga barangay.
Sa interview sang Bombo Radyo kay Pol. Lt. Col. Marlon Valencia, chief sang Iloilo City Police Office (ICPO) Traffic Investigation and Enforcement Section (TIES), iya ginpahayag nga sa inisyal nga impormasyon, naghalin ang mga biktima sa isa ka convenience store kaina sang kaagahon sang natabo ang aksidente.
Ginapahayag pareho man nga nakainom sang makahulubog nga ilimnon ang duha ka mga biktima.
Pareho man sila nga wala sang suksok nga helmet.
