Gin-athag sa Department of Education Order (DO) 37 nga ginpirmahan ni Vice President and Education Secretary Sara Duterte-Carpio nga indi na paggamiton ang mga eskwelahan nga quarantine ukon isolation facilities ukon vaccination centers.
Suno sa DepEd, na-lift na ang memorandum nga nagapahanugot anay sa paggamit sa mga eskwelahan nga quarantine, isolation, kag vaccination centers.
Pananglitan nga may kalamidad, mahimo magamit ang mga eskwelahan bilang immediate evacuation site apang indi dapat maglapaw sa 15 ka adlaw.
May mandate man sa local government units nga indi paggamiton ang mga eskwelahan bilang long-term shelters para sa mga naga-evacuate. ##
