Mandurriao, Iloilo City – Narekord sa adlaw sang paskwa ang stray bullet incident sa Brgy PHHC Block 17, Mandurriao, Iloilo City.
Sa interview sang Bombo Radyo kay Aisa Lobo, isa sa mga nagaistar sa balay kun sa diin nagtalang ang bala, iya ginpahayag nagapungko ini sa sofa sang gulpi nalang makabati sang nagakalong nga lupok.
Suno kay Lobo, sang iya gintsikyar ang salog, may nakita ini nga basiyo sang bala.
Didto kag nakit-an nila sa kisame ang buho kun sa diin naglusot ang bala.
Suno sa natungdan, sang nakunpirma nga may nagtalang nga bala, nagtawag man sila gilayon sa mga kapulisan.
Apisar wala man sang may naigo sa ila, tuman naman ang trauma nga natuga sini sa ila nga nagaistar sa amo nga balay.
