May ara na sang 10 medals ang Pilipinas sa nagapadayun nga 2026 Asian Games.
Ini matapos nakuha sang pinoy weightlifter nga si Albert Ian Delos Santos ang bronze medal kahapon nga adlaw sa Men’s 70 kilograms Division.
Naagum sini ang medalya matapos makuha ang 324 points.
Suno kay Delos Santos, ginadedikar nya ang iya nangin kadalag-an sa iya amay nga nagtaliwan na kag nagserbe nya man nga coach sa patag sang weightlifting.
Nahibaluan nga ang pinoy weightlifter ang pinakabata sa siyam ka lifter sa finals kun sa diin nakuha man sini ang bag-o nga junior world record kag junior Asian record matapos ang nasambit nga weightlifting event.
