Ginaduso ni President Ferdinand Marcos Jr. ang mas mapag-on nga kooperasyon sa tunga sang mga pungsod sa ASEAN sa sektor sang enerhiya.
Ini agud mapabilin nga masarangan sang publiko ang presyo sang gatong, kuryente kag pagkaon.
Sa Leaders’ Retreat sang ika-49 nga ASEAN Summit, ginpunto niya ang pagpasangkad sang koneksyon sa enerhiya kag pagpangita sang alternative sources sini.
Gin-engganyo man niya ang pagpadasig sa paggamit sang renewable energy agud maka-angkon sang matinlo kag masaligan nga suplay sang kuryente.
Suno sa Presidente, ang pagsaka sang presyo sang gatong kag kuryente may direkta nga epekto sa presyo sang pagkaon, operasyon sang negosyo kag pangabuhian sang mga Pilipino.
Gani, nagpasalig ini nga iya tingwaan nga matuman ang plano sa pagtukod sang masaligan nga suplay sang enerhiya sa bug-os nga rehiyon.














