Nagahanda na ang Southern Police District sa pagpasaka sang kaso batok sa kapin 200 ka nagprotesta kag gin-aresto sa Sucat People’s Park sa Muntinlupa City kahapon nga adlaw, Nobyembre 15 kadungan sa pagsugod sang ika-49 nga ASEAN Summit.
Suno kay SPD Director Police Brigadier General Rodel Pastor, kalabanan sa mga gin-aresto mga miyembro sang grupo halin sa Timog Katagalugan kun sa diin naglab-ot sa ginabanta 300 ka mga participants ang nagpatigayon sang huiblag-protesta.
Nahibaluan nga nagluntad ang kinagamo bangod wala nagakooperar ang mga nagaprotesta sa kapulisan kag nagpamilit sila nga maghiwat sang protesta sa dalan.
Gindala sa ospital ang pila ka demonstrador bangod nalipong sila sa natabo nga komosyon.
Temporaryo nga gindala ini sa NCR Police Headquarters sa Camp Bagong Diwa, Taguig City.
Ini nga protesta nag-ugat sa pagkontra sa mga ini sa Pax Silica Initiative, Luzon Economic Corridor, kag ang pagbisita ni US President Donald Trump sa Pilipinas.














