Maga-abot sa Pilipinas si United States President Donald Trump sa November 17 para sa pagahiwaton nga ASEAN SUMMIT nga patigayunon sa Pasay City.
Suno sa Department of Foreign Affairs, maga-abot sa Pilipinas ang mga world leaders kag ang ila mga delegado halin November 16 tubtob 18.
Nakatalana naman sa November 15 ang opening ceremony sang summit.
Sa November 17, pagapangunahan ni President Ferdinand Marcos Jr. ang 29th ASEAN Plus Three Summit kag 21st East Asia Summit nga magatalakay nahanungod sa problema sa ekonomiya, politika kag seguridad sa rehiyon.
Lakip sa mga aktibidad ang ASEAN-United States Special Summit nga pagatambungan ni Trump.
Ginalauman man nga magatambong ang lider halin sa Brunei, Cambodia, Laos, Indonesia, Malaysia, Singapore, Thailand, Timor-Leste kag Vietnam.
Samtang, nakatalana man nga pangunahan ni Marcos ang closing ceremony kag ang pormal nga pagsaylo sang ASEAN Chairship sa Singapore.
Kaangot sini, nag-anunsyo na sang mga protesta ang pila ka civil society groups agud ipalab-ot ang ila wala pag-ugyon sa pagbisita ni Trump sa pungsod.
