Nagapanawagan ang tag-iya sang isa ka tricycle sa Brgy. San Francisco, Anini-y, Antqiue, sa kun sin-o man ang nakakita sang ila tricycle nga puti nga may plate number nga YTX125.
Suno kay Sherryl Loquias, nadula ini sang nagligad nga Nobyembre 7, 2026, kag tubtob subong wala sa gihapon ini nakit-an.
Pahayag niya, yara pa sa higad sang kalsada malapit sa ila puloy-an ang nasambit nga salakyan alas-4 sa kaagahon sang Nov 7 kag natukiban na lang nga ginkawat na ini alas-6:30 sa aga.
Nahibaluan nga nakit-an pa sa CCTV footage sa Lawigan, San Joaquin nga naglabay ang salakyan 4:47 a.m., apang wala na ini nakalusot ukon naglapaw sa merkado sang Lawigan.
Nagapangabay gid ang pamilya Loquias nga mabalik ang tricycle nga tuman gid ka importante sa ila.
“Ngayon kailangan ko gid antusan ka hulog ra ang 9 months maskin wra dun ang motor.”
Ginpakigbahin man niya nga tuman gid ang ila kasubo ilabi na nga wala pa nabaydan sang buo ang tricycle kag may nabilin pa nga 9 ka bulan kun sa diin amat-amat man nila ini nga ginasuptan halin sa kinitaan sa byahe sang iya bana.
Sa makahatag sang impormasyon palihog lang magcontact sa sini nga mga numero:
09278696786
09636364515
Mahimo man nga magcontact sa ila Facebook account:
Ashly Loquias Saquine
Brendarryl Saquine
Sherryl Loquias
Text by: Bombo Joedel Nollaga
