Gin-athag sang Sangguniang Kabataan (SK) Federation of Iloilo City nga wala sila sang ginatuyo nga pagdabok sa ano man nga conflict sang nagpadala sila sang sulat kay Iloilo Governor Arthur “Toto” Defensor, Jr..
Sa amo nga sulat nakabutang ang ila nga seryoso nga pagkahangawa kag pagkadismaya kaangot sa pila ka Facebook posts ni Mr. Jose Nereo Lujan nga amo ang head sang Public Information and Community Affairs Office (PICAO) sang Iloilo Provincial Government.
Wala man nakasaad sa ila nga sulat kun ano nga mga post ni Lujan ang ila ginatumod.
Apang suno sa SK, nagapakita ang posts ni Lujan sang “hostility” sa syudad sang Iloilo nga ginalantaw suno sa grupo nga potensyal nga makahatag sang pagpang-duha-duha kag pagbinahin-bahin sang constituents.
Suno pa sa sulat, nahangawa sila sa implikasyon sang amo nga posts nga mahimo suno sa ila nga ma-interpretar nga makapahuyang sang pagsanyog, inisyatibo, kag mga hinimuan sang syudad nga wala man sang bastante nga konteksto.
“Our concern is not rooted in a desire to silence criticism, discourage public discourse, or question anyone’s right to express personal opinions. We recognize that Mr. Lujan’s posts were made through his personal social media accounts, and we fully respect his constitutional right to freedom of speech and expression. Nevertheless, we believe that the exercise of this freedom must be accompanied by a strong sense of responsibility, particularly when the individual involved holds a position in public service and has a platform that may carry considerable influence and credibility among the public,” suno sa SK.
Ginpahayag man sang federation nga importante nga mapabilin ang maayo nga relasyon sang Iloilo City kag Iloilo Province, nga madugay na nga nagabuligay sa nagkalain-lain nga programa kag proyekto para sa kaayuhan sang mga Ilonggo, ilabi na sang kabataan.
“We therefore call for greater mindfulness and accountability in the conduct of public discourse, particularly among individuals entrusted with communicating information and shaping public understanding. We hope that this concern will be received in the spirit in which it is expressed: not as an attempt to provoke further conflict, but as a sincere call for respect, accountability, and responsible communication. We remain hopeful that differences can be addressed through meaningful dialogue and that our shared commitment to public service will always prevail over any circumstances that threaten to divide us,” suno pa sa sulat.
Sa interview sang Bombo Radyo kay SK Federation President Jelma Crystel Implica, iya ginpahayag nga indi nila tuyo nga limitahan ang freedom of expression, kundi ipahanumdom nga dapat may kaangtanan sa accountability kag responsibilidad ang tagsa ka pahayag, ilabi na sang mga opisyal nga may impluwensya sa publiko.
Dugang pa niya, indi nila gusto nga magresulta sa pagkabahinbahin sang mga Ilonggo ang sitwasyon, bangud masami nga ang mga pamatan-on ang mahimo maapektuhan sini.
“Very clear lang gid and simple ang amon nga gusto ipalab-ot,” suno kay Implica. “Indi ni siya attempt to provoke further nga conflict, but sincere call gid for respect and of course responsible communication.”
Matandaan nga sang Septyembre, nagdangop man sa opisina ni Governor Defensor si Iloilo City Councilor Jose Maria Dela Llana agud nga ireklamo si Lujan.
Gin-akusaran sini si Lujan sa pag-post sang mga ginapahayag nga “fake news” batok sa city government kag sa mga opisyal nga wala man suno sa iya sang basehan.#
