Gin-aprubahan sang Senado sa third kag final reading ang bill nga ginduso agud nga himuon nga lima ka tuig ang termino sang mga barangay kag Sangguniang Kabataan ukon SK officials.
Sa idalom sang amo nga hagna ni Senator Francis “Chiz” Escudero, ginaduso man ang postponement sa Barangay kag SK Elections ukon BSKE nga nakatalana kuntani sa Nobyembre 2, 2026.
Trese ka senador ang nagpabor sa bill, samtang lima naman ang nagpamatok sini.
Ang mga nagpanindugan batok sa hagna amo sanday Senators Francis Pangilinan, Bam Aquino, Senate President Pro Tempore Vicente Sotto III, Risa Hontiveros, kag Joel Villanueva.
Suno kay Aquino, madamo nga kabataan ang handa nga magpadalagan kag magserbisyo sa ila nga komunidad, kag madamo naman nga SK leaders ang luyag naman nga maghatag sang tyansa sa iban nga amo ang magabulos sa ila.
“Huwag na po nating ipagpaliban ang karapatan ng ating mga kababayan, lalo na po ang kabataan, na pumili ng kanilang mga leader. Maraming kabataan po ang handang tumakbo at maglingkod sa kanilang komunidad at sa mga kapwa kabataan. Sa totoo lang po, sa atin pong pakikipag-usap sa mga pangkasalukuyang SK leaders, marami na rin po sa kanila ang nais magpatuloy sa susunod na yugto ng kanilang buhay. Panahon na po na bigyan ng pagkakataon ang bagong henerasyon ng mga leader,” pahayag ni Aquino.
Ginsegundahan naman ni Senator Kiko Pangilinan ang pahayag ni Aquino. Suno kay Pangilinan, kinahanglan ang bag-o nga mga tingog, ideya, kag dugo sa local nga liderato.
“Sinasabi natin sa kanila: ‘Makialam kayo. Kayo ang mitsa ng pagbabago. Kayo ang pag-asa ng bayan.’ Tapos, kapag handa na silang tumakbo, bumoto, at mamuno, eh bakit bigla nating iuurong ang sinasabing starting line?,” suno sa Senador.
Suno sa proposal, ang BSKE nga nakatalana sa Nobyembre 2 igasaylo sa ikaduha nga Lunes sang Nobyembre 2028 kag pagahimuon ang amo nga eleksyon kada lima ka tuig pagkatapos sini.
Ang mga nagaserbe subong nga barangay officials pagakabigon nga nakatapos na sang isa ka termino bangud madugangan sang duha ka tuig ang ila termino.
Samtang, ang mga opisyal nga yara na sa ila ikatatlo nga sunod-sunod nga termino indi na mangin kwalipikado nga magpadalagan sa amo man nga posisyon sa gina-propose nga 2028 elections.#
