Ginpamangkot ni Private prosecutor Lorna Kapunan ang internal counsel sang GenCorp Industries Inc. nga si Atty. Suzette Balucanag-Punay kun ngaa gindeklarar ni Vice President Sara Duterte sa iya nga Statement of Assets, Liabilities, and Net Worth (SALN) nga isa siya ka stockholder sang amo nga kumpaniya.
Ini apisar nga ginapanindugan sang witness kag defense nga wala man sang partisipasyon ukon involvement ang vice president sa operations sang company lakip na sa ila nga corporate entities.
Sabat sang witness, indi niya ini ma-explain.
“So, only the vice president can explain why she listed herself as being a shareholder of GenCorp?” pamangkot naman ni Kapunan.
“She can answer,” sabat ni Balucanag-Punay.
Una naman ginsiling sang witness nga nga wala man naka-isyu ang GenCorp sang ano man nga public statement nga nagaklaro nga wala sang business interest sa ila nga firm si Duterte.
