Ginkwestyon ni Sen.-Judge Erwin Tulfo ang testigo sang defense team nga si Engr. John Kenneth Enumerables kun ngaa indi ini sigurado kun may nagaeksister nga Brgy. Matanos bisan siya ang city assessor sang Island Garden City of Samal.
Ini matapos nga wala natumod sang witness ang eksakto nga lokasyonsa ng property nga nakapangalan sa mister ni Vice Pres. Sara Duterte nga si Atty. Manases Carpio sa Island Garden City of Samal.
Suno kay Tulfo, makatilingala kun paano mag-assess si Enumerables kun indi man siya pamilyar sa mga lugar.
Sa pagpamangkot ni presiding officer Chiz Escudero, naggwa nga nakasaad sa Statement of Assets, Liabilities, and Net Worth (SALN) ni Vice Pres. Sara Duterte nga makit-an ang nasambit nga property sa Brgy. Matanos.
Apang ginpahayag sang testigo nga wala sang Brgy. Matanos sa ila nga mga dokumento kag Brgy. San Isidro ang nakalista bilang lokasyon sang property.
Sang ulihi, ginsiling ni Enumerables nga nahibaluan niya ang tanan nga barangay sa Kaputian District kag ginkumpirma nga wala sang Barangay Matanos sa Island Garden City of Samal.
