Napirmahan na sang FIFA kag Philippine Sports Commission (PSC) ang kasugtanan para sa rehabilitasyon kag modernisasyon sang makasaysayan nga Rizal Memorial Football Stadium.

Ginpangunahan ni FIFA President Gianni Infantino ang seremonya upod ang pila ka opisyal sang gobyerno kag mga organisasyon sa sports.

Suno kay Infantino, handum sang FIFA nga mangin mas accessible ang football kag makahatag sang mas madamo nga oportunidad sa mga nagakalain-lain nga pungsod agud mapauswag ini.

Nagalaom siya nga ang bag-o nga Stadium mangin simbolo sang pag-isa kag pagbinuligay sang mga Pilipino agud nga mapauswag ang ila nga training.

Suno man kay PSC Chairman Patrick Gregorio, gamiton ang kabahin sang $25 milyon nga donasyon sang FIFA sa Pilipinas para pondohan ang proyekto.

Ginpasiguro man niya nga wala sang gastuhon ang gobyerno sang Pilipinas kag ang Philippine Sports Commission para sa rehabilitasyon.

Ginapaabot nga matapos ang proyekto antes matapos ang termino ni Presidente Ferdinand Marcos Jr.